"دانة طويرش" ترد على الشامتين بعد انخفاض الإعلانات بسبب كورونا وتكشف عن حجم مدخولها اليومي قبل الفيروس!

صحيفة المرصد: ردت الفاشينيستا الكويتية دانة الطويرش على الشامتين بعد انخفاض معدل الإعلانات بسبب كورونا ، قائلة: "تعليقات الشماته تضحكني.. يعني أول شيء إحنا ما اشتغلنا السنين اللي طافت 7 أو 8 سنوات عشان تيجي أزمة زي ديه مايكون معي فلوس.. وطبعًا أنا مو بطلع نفس اللي كنت بطلعوا من أرباح ولكن عندي ما يكفيني ويجعلني في أمان".
وأضافت دانة، في تصريحات تلفزيونية: "ثاني شي هذي أزمة عالمية كل شي واقف التجارة والاقتصاد والاسهم طاحت مو بس المشاهير اللي اتاثروا.. فلما أحد يجي يتشمت في المشاهير اخس وايد تفكيرهم محدود.. يعني انا الي متعبني الناس الي معاشتهم وقفت واللي ما معهم يدفعوا الإيجارات".
وتابعت: "يعني الناس لو تركز وتساعد هالحالات افضل بكثير من أن تركيزها وشامتتها بالفاشينستات.. وعشان اشفي غليل البعض لا تخافون كل المشاهير مأمنين روحهم ومستأنسين ومبسوطين وعنده خير من الله".
وأردفت: "كان مدخولي قبل أزمة كورونا يصل إلى 8 آلاف دينار كويتي.. أما الآن مدخولي وايد قل بسبب إنه ما في إعلانات مطاعم والملابس الأون لاين لسه مؤخرًا بدأوا يوصلوا لنا لأن في تاخير بسبب التوصيل والفترة راح يرجع.. خاليا في إعلانات وايد عن الدورات انا شغالة فيها.. لاني انا ما اقول لا حق اي شي.. أنا يسموني في البيت الأخطبوط ".